Mototsıkl júrgizýshisin jolaýshylar lapyldaı janǵan jalynnyń ishinen alyp shyqty
ASTANA.QazAqparat - Qytaıda jol-kólik oqıǵasynyń kýágerleri asqan jyldamdyqpen júk kóligindegi benzın bagyna soǵylyp, otqa oranǵan mototsıklden júrgizýshini qutqaryp qaldy.
Jol apaty 6 mamyr kúni Tszıansı provıntsııasy Nanchan qalasyndaǵy kóshelerdiń birinde oryn aldy. Jyldamdyqty shamadan tys arttyrǵan Chen esimdi mototsıkl júrgizýshisi, qıylysqa burylǵan júk mashınasyna soǵylǵan. Nebári bir sekýndtyń ishinde eki kólik quraly da otqa oranyp úlgergen. Oqıǵa jelisi syrtqy baqylaý kameralaryna túsip qalǵan.
Asfalt boıyndaǵy mototsıkl júrgizýshisin ótip bara jatqan eki jolaýshy lapyldaı janǵan jalynnyń ishinen alyp shyqty. Er azamatty qutqarý isine janyp jatqan kólikten atyp shyqqan júk kóliginiń júrgizýshisi de aralasty. Órt tek qyryq mınýttan keıin ǵana sóndirildi.
