Mototsıkl mingen bala apatqa ushyrady - Pavlodar oblysy
PAVLODAR. QazAqparat - Aqtoǵaı aýdanynda tún ishinde mototsıklmen shyqqan bala apatqa ushyrap, aýrýhanaǵa tústi, dep habarlaıdy QazAqparat Ravlodarnews.kz saıtyna silteme jasap.
Mototsıkl arnaıy aıyp turaǵyna qoıyldy.
Pavlodar oblystyq polıtsııa departamenti baspasóz qyzmetiniń málimeti boıynsha, 10 maýsym kúni saǵat 22.43-te Aqtoǵaı aýdany Áýelbek aýyly mańynda jyldamdyqty shekten tys asyrǵan «LTM 175» mototsıkliniń júrgizýshisi rýldi basqara almaı qalyp, aýdarylyp ketken.
- Jol-kólik oqıǵasy saldarynan kámeletke tolmaǵan bala jaraqat alyp, aýrýhanaǵa jetkizildi. Polıtsııa qyzmetkerleri tekserý barysynda Áýelbek aýyly JOM 7-synyp oqýshysy, 12 jastaǵy kámeletke tolmaǵan balanyń kesh ýaqytta zańdy ókilderiniń erip júrýinsiz shyqqanyn anyqtady. Buǵan qosa, eshqandaı quqyqtary men júrgizý daǵdylary da bolmaǵan, - dedi polıtsııa departamenti jergilikti polıtsııa qyzmetiniń bastyǵy Ǵalym Sarǵulov.
