Motobaıkerler Baıqońyrda «juldyzdarǵa jol saldy»
Sharany uıymdastyrýshylardyń aıtýynsha, «Baıqońyr» motoklýby jáne qalalyq mádenıet, jastar saıasaty, týrızm jáne sport basqarmasynyń bul - keń aýqymdaǵy úshinshi kezdesý. Maqsat - mototýrızmdi damytý jáne Baıqońyrdyń týrıstik múmkindigin nasıhattaý, sondaı-aq ár eldegi motoqumar jandarmen kezdesý.
«Juldyzǵa jol» motosletiniń uıymdastyrýshylary men qonaqtar úsh táýlikti dalalyq jaǵdaıda ótkizdi. Olar juldyzdar jarqyraı kórinip turǵan aspan astynda shatyrlarda túnedi, ot jaǵyp, as ázirledi, gıtaramen qosylyp án aıtty.
Keshe, senbide 57 mototsıkden quralǵan kolonna Baıqońyr ǵarysh aılaǵy tarıhy mýzeıin, ózge de kórneki jerlerdi kórý úshin qalaǵa kirdi.
Keshki baǵdarlamaǵa sáıkes qonaqtarǵa arnap Baıqońyrdyń mýzykalyq ujymdary - «Renessans», «Mix», «Baıqońyr» kantrı» toptary kontsert qoıdy. 