Mosýldyń ońtústiginen basy shabylǵan 100-den astam adamnyń jerlengen orny tabyldy
ASTANA. QazAqparat - Mosýl ońtústiginen basy shabylǵan júzden astam beıbit turǵyndardyń jappaı jerlengen orny tabyldy. Bul týraly CNN Irak áskeriniń málimdemesine silteme jasap habarlady.
Irak turǵyndarynyń máıitteri 7 qarasha kúni úkimet kúshteri «IM» lańkestik tobynyń sodyrlaryn qýyp shyqqan Hammam-al-Alıl eldi mekeninen tabyldy. Hammam-al-Alıl Mosýldyń ońtústigine qaraı 30 shaqyrym jerde ornalasqan. Irak áskeri bul jerleýdi IM sodyrlarynyń áreketimen baılanystyryp otyr. Qarasha aıynyń basynda BUU IM sodyrlarynyń Mosýlda 1600 azamatty kepilge alǵanyn jáne olardy Irak áskerleri jasaǵan áýe shabýyldarynan qorǵanatyn tiri qalqan retinde qoldanyp jatqanyn málimdegen edi. Mosýl 2014 jyly IM sodyrlarynyń baqylaýyna alyndy. 17 qazan kúni Irak áskeri Iraktik Kúrdistan jasaǵymen birlesip, qalany azat etý operatsııasyn bastady. Respýblıka polıtsııasynyń qolbasshysy Raıd Shakerdiń aıtýynsha, qazirgi ýaqytta Mosýl halyqaralyq áýejaıynyń ońtústigine qaraı 5 shaqyrymǵa jaqyndady jáne shabýyldy jalǵastyrýda.
