Mosýldy tastap ketken jergilikti turǵyndar sany artty
ASTANA. QazAqparat - Irak áskeri Mosýl qalasyn azat etý operatsııasyn bastaǵaly beri shahardan amalsyz kóshken turǵyndar sany kúrt artty. Bul týraly Halyqaralyq kóshi-qon uıymy málimdedi, dep jazady «Habar 24».
Derekterge qaraǵanda ótken jyldyń qazan aıynan beri Mosýldy 300 myńnan astam adam tastap ketken. Al osy qala ornalasqan Naınava provıntsııasynan 280 myń turǵyn bas saýǵalaǵan. Óıtkeni Mosýldy beıresmı astanamsyz dep jarııalaǵan lańkester úkimet áskerine tegeýrindi toıtarys berip, beıbit turǵyndardy tiri qalqan retinde jıi paıdalanady.
Eske sala keteıik, Irak jaýyngerleri Mosýldy azat etýge ótken jyldyń qazanynda kiristi. Búginde sodyrlar shahardyń tek 30 paıyzyn ǵana ýysynda ustap otyr. Sońǵy málimetterge qaraǵanda qaqtyǵys kezinde bılik jasaǵynyń soqqysynan Ábý Mýhadjır ár-Rýsı degen laqap atpen tanylǵan sodyrlardyń qolbasshysy qaza tapty. Irak federaldy poltsııasynyń málimeti boıynsha onymen birge taǵy 6 lańkes oqqa ushqan.
