Mosýldy azat etýde DAISh-tyń 16 myńnan astam sodyrynyń kózi joıyldy - Irak ókili
«Árıne, terrorıster elementteri Irak respýblıkasynda áli kúnge deıin bar. Biraq, Mosýldaǵy jeńis - Irak Respýblıkasy úshin uly jeńis bolyp tabylady. Mosýlda terrorıster óziniń halıfatyn jarııa etken bolatyn. Olardyń qaramaǵynda eldiń soltústiginde áli eki qala bar. Sonymen qatar, jekelegen terrorıster Saharada boı tasalady. Munyń bári Irak áskeriniń baqylaýynda. Olar terrorızmniń túbine jetpeı tynym tappaýdy uıǵardy. Taǵy da aıtyp óterligi Mosýldaǵy jeńis - tek qana materıaldyq jeńis qana emes, terrorıstik elementterge úlken moraldik soqqy», - deıdi ıÝnýs Sarhan.
Irak Respýblıkasynyń ókiliniń aıtýynsha, sodyrlardyń qolyndaǵy eki qala Mosýldaı úlken emes jáne olardyń mańyzy tómen. ıÝnýs Sarhan ondaǵy sodyrlardyń kózin joıý Irak úkimeti úshin kóp ýaqyt almaıtynyna senimdi.
«2016 jyldyń qazan aıynan 2017 jyldyń shilde aıy aralyǵynda Mosýl úshin shaıqasta 16 myńnan astam lańkestiń kózi joıyldy. 6 600-den asa jarylǵysh zat zalalsyzdandyrylyp, sodyrlar qoldanǵan 45 jer asty joly, terrorıster jınalatyn 61 oryn talqandaldy. 47 dron atyp túsirilip, DAISh qolbasshylyǵynyń 11 ortalyǵy joıyldy. Kóship ketýge májbúr bolǵan 111 myńnan astam otbasy Mosýlǵa qaıta qonys aýdardy», - deıdi ıÝnýs Sarhan.
Aıta keterligi, Mosýl halqynyń sany - 1,5 mıllıon. DAISh 2014 jyldyń shilde aıynda atalǵan qalany basyp alǵan bolatyn. 2016 jyldyń 24 naýryzynan 2017 jyldyń 10 shildesine deıin Irak úkimetiniń armııasy Naınav mýhafazasymen birlese otyryp, DAISh sodyrlaryna qarsy Mosýl úshin shaıqas júrgizgen. 2017 jyldyń 23 qańtarynda úkimettik ásker DAISh-tan qalanyń shyǵys bóligin azat etken. 2017 jyldyń 19 aqpanynan bastap Mosýldyń batys bóligi úshin qarýly kıkiljiń ótken bolatyn.
