Mosýldaǵy 8 ǵasyrlyq tarıhy bar An-Nýrı meshiti qaıta qalpyna keltiriledi
ASTANA. QazAqparat - Shamamen 1172 jyly irgesi qalanǵan An-Nýrı meshitinde «DAISh» sodyrlary «Búkilálemdik halıfattyń» qurylǵanyn jarııalaǵan bolatyn. Ekijaqty teketires kezinde sodyrlar meshitti qıratyp tastaǵan. Iran Respýblıkasyndaǵy Qazaqstannyń senimdi ókili ıÝnýs Sarhan atalǵan meshittiń qaıta qalpyna keltiriletinin habardar etti, dep habarlaıdy «QazAqparat» HAA tilshisi.
Irak úkimetiniń resmı ókiliniń aıtýynsha, Irak Respýblıkasy azat etilgen Mosýl qalasyn qaıta qalpyna keltirýdi kózdep otyr. Іri kásiporyndarmen birge, «DAISh» sodyrlary kúıretken An-Nýrı meshiti de qaıta boı kótermek.
«An-Nýrı meshiti men ózge de tarıhı oryndardy qalpyna keltirý baǵytynda respýblıka jáne qala basshylyǵy naqty jumys júrgizedi. Atalǵan meshittiń tarıhy tereńde, sol sebepti meshittiń kúıregen qurylymdary men tastaryn jınap, meshitti qaıta turǵyzý týraly sheshim qabyldandy. Irak úkimeti Mosýldy qaıta qalpyna keltirý úshin arnaıy baǵdarlamany júzege asyrady. Meshittiń kúıretilýi terrorısterdiń ıslam dinine múlde qatysy joq ekenin dáleldeıdi. Islam beıbitshiliktiń dini, al terrorıster ony kúıretý arqyly barlyǵyn qorqytýdy maqsat tutty», - deıdi ıÝnýs Sarhan.
ıÝnýs Sarhannyń aıtýynsha, Mosýl ejelgi Mesopotamııa jerinde ornalasqandyqtan tarıhı oryndary kóp. Alaıda sodyrlar olardyń kóbin joıyp jibergen. Endigi kezekte Irak úkimeti tarıhı oryndardy qalpyna keltirýdi qolǵa almaq.
Eske sala ketsek, búgin Iraktyń eń iri eki qalasynyń biri sanalatyn Mosýl qalasynyń azat etilýine baılanysty Irak Respýblıkasynyń Qazaqstandaǵy elshiligi BAQ ókilderimen baspasóz konferentsııasyn ótkizgen bolatyn. Mosýl halqynyń sany - 1,5 mıllıon.
«DAISh» uıymy 2014 jyldyń shilde aıynda atalǵan qalany basyp alǵan bolatyn. 2016 jyldyń 24 naýryzynan 2017 jyldyń 10 shildesine deıin Irak úkimetiniń armııasy Naınav mýhafazasymen birlese otyryp, «DAISh» sodyrlaryna qarsy Mosýl úshin shaıqas júrgizgen. Búgingi kúni Mosýl terrorısterdiń qolynan tolyq azat etilgen.
