Mosýlda úıindiler astynan 61 adamnyń máıiti tabyldy
ASTANA. QazAqparat - Mosýlda qıraǵan ǵımarattyń úıindileri astynan 61 adamnyń máıitteri tabyldy.
Turǵyn úı «Islam memleketi» (IM) terrorıstik uıymymen kúres kezinde qıraǵan bolatyn.
Reuters agenttigi atap ótkendeı, IM sodyrlary adamdardy ǵımarattyń jertólesine túsýge májbúrlep, úıdi «tiri qalqan» retinde paıdalaný maqsatynda ony mınalap tastaǵan.
Kýágerlerdiń aıtýynsha, turǵyn úı ǵımarattyń janynda turǵan bomba qoıylǵan kóliktiń jarylysynan keıin opyrylyp qulaǵan. Keıbir derekter boıynsha, ol koalıtsııanyń avıasoqqysy saldarynan jarylǵan.
