Mosýl qalasynyń batys bóligin 45 myń turǵyn tastap shyqty
ASTANA. QazAqparat - Sońǵy 9 táýlik ishinde Mosýl qalasynyń batys bóligin 45 myń turǵyn tastap ketti. Soǵys oty sharpyǵan bul aımaqtan kóship jatqandar qatary kún sanyp kóbeıip keledi. Mundaı málimetti Halyqaralyq kóshi-qon uıymy taratty, dep jazady «Habar 24».
Buǵan deıin AQSh basqaratyn koalıtsııa kómegimen Irak áskeri shahardyń ortalyq bóligin azat etýge kirisken bolatyn. Aıta ketý kerek, Mosýl qalasyn «Irak pen Levant lańkestik uıymynyń» sodyrlary 2014 jyly basyp alǵan. Sodan bergi qyspaqtan qajyǵan jurt kún-tún demeı, bılik áskerine qaraı qashyp jatyr.
Al úkimet jasaǵy shahardy azat etýge ótken jyldyń qazanynda kirisken. Qazir Mosýl shyǵysy qaskóılerden tolyqtaı ada bolyp, qalypty ómirge kóshe bestady. Degenmen batysynda áli de lańkester bılik quryp tur.
«Іshegim buratylyp, ashtan ólerdeı bolyp turmyn. Tiske basar tilim nan joq. Ashtyq pen bomba úıden qashýǵa májúr etti. Balalarymyz da ash-jalańash», - deıdi Mosýl qalasynyń turǵyny Ibrahım.
