Moratorııdi alyp tastaǵannan keıin janar-jaǵarmaı baǵasynyń ósýine jol bermeý kerek - Pirmatov
«Úkimet pen ákimdikterdiń 2022-2024 jyldarǵa arnalǵan Inflıatsııany baqylaý jáne tómendetý jónindegi is-sharalar keshenin tıimdi iske asyrýy, retteletin turǵyn úı-kommýnaldyq sharýashylyǵy qyzmetterine, janar-jaǵarmaı baǵasynyń ósýine engizilgen moratorıı jáne tutynýshylyq suranystyń shekteýli dınamıkasy ınflıatsııaǵa tejeýshi yqpal etetin bolady. Moratorııdi alyp tastaǵannan keıin janar-jaǵarmaı baǵasynyń ósýine jol bermeý kerek. Ol úshin shamadan tys deldaldyqty joıa otyryp, naryqtyq baǵa belgileýge jáne naryqtardy teńgerimdi damytýǵa jaǵdaı jasaý qajet», - dedi UB tóraǵasy.
Sondaı-aq onyń paıymynsha, azyq-túlik pen tyńaıtqyshtarǵa álemdik baǵanyń ósýi tarapynan ınflıatsııa úshin táýekelderdi barynsha azaıtqan jón. Ol úshin saýda is-sharalaryn qabyldaý, logıstıkadan týyndaıtyn problemalardy jedel sheshý, tıimdi taýar ınterventsııalary, qubylmalylyqty retke keltirýdiń naryqtyq tetikterin engizý usynylady.
«Osy turǵyda búgingi otyrystyń kún tártibinde turǵan Orta merzimdi kezeńde azyq-túlik qaýipsizdigin qamtamasyz etý josparyn tıimdi iske asyrǵan jón. Azyq-túlik ınflıatsııasyn turaqtandyrý ınflıatsııany tómendetýde mańyzdy bolyp tabylady. Ulttyq bank áleýmettik mańyzy bar azyq-túlik taýarlary boıynsha ǵana emes, ınflıatsııaǵa eleýli úles qosatyn basqa da tamaq ónimderi boıynsha jumys júrgizilýi tıis dep esepteıdi. Baǵany turaqtandyrý úshin Ulttyq bank óz tarapynan bazalyq stavka boıynsha aldaǵy sheshimderdi boljamdy jáne naqty ınflıatsııany, ınflıatsııalyq kútýlerdi jáne geosaıası jaǵdaıdyń damýy men oǵan qarjy naryqtarynyń yqpalyn eskere otyryp qabyldaıtyn bolady», - dedi Ǵalymjan Pirmatov.
