Moratorıı aıaqtalǵannan keıin kommýnaldyq tarıf ózgere me

ASTANA. KAZINFORM — Barlyq tutynýshy toby úshin kommýnaldyq qyzmetter tarıfterin kóterý osy jyldyń naýryz aıynyń sońyna deıin toqtatylǵan. Osy moratorıı aıaqtalǵannan keıin baǵa ósiminiń múmkindigine qatysty Energetıka vıtse-mınıstri Suńǵat Esimhanov pikir bildirdi.

Onyń atap ótýinshe, halyqqa arnalǵan kommýnaldyq qyzmetterdiń túpkilikti tarıfin Tabıǵı monopolııalardy retteý komıteti, al elektr energııasyn óndiretin stantsııalardyń tarıfin Energetıka mınıstrligi bekitedi.

— Tarıfterdiń qandaı somaǵa jáne qashan kóteriletinin dál qazir aıta almaımyz. Óıtkeni, zerdeleý protsesi júrip jatyr. Qazirgi ýaqytta barlyq janama shyǵyndardy ustap turatyn bolsaq, onda tarıf kóterilmeıdi. Al eger, kómirdiń, gazdyń ne bolmasa temir joldyń quny belgili bir deńgeıde kóterilse, onda ózindik qunynyń da artatyny sózsiz. Qarastyratyn bolamyz, — dedi ol Májilis komıtetiniń otyrysynan keıin.

Esterińizge sala ketsek, ótken jyldyń 16 qazanynda Premer-mınıstr Úkimet músheleriniń, basqa da memlekettik organdar men uıymdar basshylarynyń qatysýymen Memleket basshysynyń azamattar múddesi úshin ekonomıkalyq reformalar baǵdarlamasyn júzege asyrýdy retke keltirý jónindegi tapsyrmalaryn oryndaý máseleleri boıynsha keńes ótkizdi.  Sol kezden bastap barlyq tutynýshy toby úshin kommýnaldyq qyzmetter tarıfterin kóterý 2026 jyldyń І toqsanynyń sońyna deıin toqtatylǵan edi.