Mopedterdi tirkeý merziminiń aıaqtalýyna baılanysty búgin Almatydaǵy barlyq HQKO jumys isteıdi

ALMATY. KAZINFORM – Senbi, 5 sáýir Qazaqstanda mopedterdi tirkeý merzimi aıaqtalady. Osyǵan baılanysty, búgin Almatydaǵy barlyq mamandandyrylǵan halyqqa qyzmet kórsetý ortalyqtary (HQKO) jumys isteıdi.

– Bul memlekettik qyzmetke suranystyń artýyna baılanysty «Azamattarǵa arnalǵan úkimet» memlekettik korporatsııasy Іshki ister mınıstrligimen birlese otyryp, bul kúni Almaty qalasyndaǵy mamandandyrylǵan halyqqa qyzmet kórsetý ortalyqtarynyń jumys kestesin ózgertý týraly sheshim qabyldady, – delingen «Azamattarǵa arnalǵan úkimet» memlekettik korporatsııasynyń habarlamasynda.

Memlekettik qyzmet kórsetý boıynsha qabyldaýdy júzege asyratyn mamandandyrylǵan halyqqa qyzmet kórsetý ortalyqtary qyzmet alýshylardy tańǵy saǵat 9:00 den 14:00-ge deıin qabyldap, 15:00-ge deıin daıyn qujattardy beredi.

Aıta ketý kerek, bul keste boıynsha ortalyqtar tek 5 sáýirde jumys isteıtin bolady.

Mamandandyrylǵan HQKO-tary myna mekenjaı boıynsha ornalasqan:

– HQKO №1 - Saıaly shaǵynaýdany, Aqqaınar kóshesi, 1

– HQKO №2 - Maılın kóshesi, 240A

– HQKO №3 - Qulja trakti 9K

– HQKO №4 - Kemel shaǵynaýdany, Aqsýat kóshesi, 118

Buǵan deıin mopedterin tirkemegenderge qandaı jaýapkershilik kózdelgenin jazǵan edik.

ІІM Ákimshilik polıtsııa komıtetiniń tóraǵasy Qaısar Sultanbaev jol erejesin buzǵan moped júrgizýshilerine jaza qatańdatylatyny týraly aıtqan bolatyn.