Mopedter men samokat tepken 68 adam jaraqat aldy - ІІM

NUR-SULTAN. QazAqparat – Byltyr mopedter men samokat tepken 68 adam jaraqat alǵan. QR Іshki ister mınıstrligi Ákimshilik polıtsııa komıtetiniń tóraǵasy Atyǵaı Arystanov ortalyq kommýnıkatsııalar qyzmetinde osyndaı derek keltirdi, dep habarlaıdy QazAqparat tilshisi.

«Moped, mototsıkl, samokat sııaqty mobıldi qozǵalys quraldaryn tizgindegenderdiń kesirinen qansha jol-kólik oqıǵasy boldy? Sonyń aldyn alýúshin ne istep jatyrsyzdar?», - dep surady BAQ ókili Atyǵaı Arystanovtan.

«Bıylǵy úsh aıda mopedter men samokattardyń qatysýymen jol-kólik oqıǵalary tirkelgen joq. Byltyr 68 oqıǵa tirkelgen edi. Ókinishke qaraı, 1 adam kóz jumyp, 68 adam jaraqat alǵan. Bul másele óte ózekti. Byltyr da, bıyl da kún tártibinde qaralǵan bolatyn. Samokattar, mopedter men mototsıklder jol erejesin jıi buzady», - deıdi Atyǵaı Arystanov.

Sondaı-aq ol qazaqstandyqtardy balalaryna osy tıptegi kólik satyp alar kezde oılanýǵa shaqyrdy.

«Men ata-analar men eresekterdiń nazaryn osy máselege aýdarǵym keledi. Balalarymyzǵa samokattar, mopedter men mototsıklder satyp alyp beremiz. Bul táýekel ekenin túsinýimiz kerek. Óıtkeni bul oıynshyq emes, qozǵalys quraly. Jýyqta jaz bastalady. Sondyqtan bulmáselege erekshe nazar aýdartqym keledi. Mototsıkl nemese mopedaýldyńqanshalyqty qajet ekenin oılanyp kórińizder. Ne artqy aınasy, ne burylys shamy joq. Sondyqtan táýekel joǵary», - dedi komıtet basshysy.

Brıfıng barysynda Atyǵaı Arystanov jyl basynan beri 2600 jol-kólik oqıǵasy bolyp, 410 adam kóz jumǵanyn málim etti.