Mopedke memlekettik nómir alý merzimi uzartyla ma

ASTANA. KAZINFORM – Іshki ister mınıstriniń orynbasary Igor Lepeha Májilistiń jalpy otyrysynan keıin mopedin tirkep úlgermegen qazaqstandyqtarǵa úndeý jasady.

- Mopedter boıynsha aıtsam, jaýapkershilik kúshine enedi. Depýtattar búkil moped júrgizýshi kýáligin alyp, tirkelip úlgersin dep ádeıi uzaq merzim belgilegen bolatyn. Óte kóp ýaqyt berildi. Keıingi kezde kún saıyn mopedterińizdi esepke qoıyp, júrgizýshi kýáligin alyńyzdar degen mánde úndeý tastap jatyrmyz. Tipti Azamattarǵa arnalǵan úkimet korporatsııasynan jumys ýaqytyn uzartýdy suradyq, - dedi ol.

ІІM ókili zań talabyna baǵynbaǵandardy qandaı jaza kútip turǵanyn eske saldy.

- 5 sáýirden bastap azamat júrgizýshi kýáligi men memlekettik tirkeý nómiri joq moped júrgizse, ákimshilik jaýapkershilikke tartylady. Moped aıyp turaǵyna alynyp, memlekettik tirkeý nómirin alǵansha ıesine qaıtarylmaıdy. Sondyqtan barshańyzǵa mopedterińizdi tirketip úlgerińizder degim keledi, - dedi Igor Lepeha.

Buǵan deıin moped tizgindegenderge qujatyn zańǵa saı retteýge berilgen ýaqyt 2 kúnnen keıin aıaqtalatynyn jazǵan edik.