Moped tizgindegende neni bilý qajet – polıtsııa eskertý jasady
SEMEI. KAZINFORM – Abaı oblysynyń polıtsııa qyzmetkerleri moped júrgizýshileri bilýi tıis mańyzdy erejelerdi eske salady.
Oblystyq polıtsııa departamentiniń málimetinshe, kóshelerde zýlap júrgen mopedter – jaı ǵana yńǵaıly kólik emes, olar tolyqqandy jaýapkershilikti talap etetin qozǵalys quraly.
– Moped tizgindeý erkindik syılaǵanymen, ol erkindik tártippen ushtasqanda ǵana qaýipsiz bolady. Sondyqtan moped júrgizýshisi mindetti túrde tıisti sanattaǵy júrgizýshi kýáligine (A1, A nemese B) ıe bolýy tıis. Odan soń mopedti tirkeý kerek. Memlekettik tirkeý nómiri men tehnıkalyq pasportynyń bolýy – zań talaptaryn oryndaý ǵana emes, kez kelgen jaǵdaı kezinde sizdiń quqyqtaryńyzdy qorǵaýdyń kepili, - delingen aqparatta.
Júrgizýshi de, jolaýshy da motoshlem kııýge mindetti. Mopedpen júrý joldyń oń jaq jıegimen nemese arnaıy velosıped joldarymen júzege asyrylýy tıis. Al trotýar – jaıaý júrginshilerge arnalǵan aımaq.
– Rólge eshqashan mas kúıde otyrmańyz. Mas kúıde bolsańyz reaktsııańyz tómendep, qaıǵyly jaǵdaılarǵa ákelýi múmkin. Bul tek zań buzýshylyq emes, adam ómirine tóngen naqty qaýip, - delingen habarlamada.
Eske salsaq, osyǵan deıin Atyraýda kólik qaǵyp ketken 8 jasar oqýshy oqıǵa ornynda kóz jumǵany habarlanǵan.
