Moped mingen kýrerdiń jol apaty: Jolaýshy aýrýhanada kóz jumdy
ALMATY. QazAqparat - Almatyda moped mingen kýrerdiń jol apatynan zardap shekken eki adamnyń biri aýrýhanada qaıtys boldy. Bul týraly qalalyq polıtsııa departamenti málim etti, dep habarlaıdy QazAqparat tilshisi.
«Ókinishke qaraı, 28 naýryz kúni Abaı dańǵyly men Baıtursynov kóshesiniń qıylysynda bolǵan jol apatynan jaraqat alǵan mopedtiń jolaýshysy qalalyq aýrýhanalardyń birinde qaıtys boldy. Qazirgi ýaqytta bul fakt boıynsha Almaty qalasy PD tergeý basqarmasynda QR QK 345-baby, 3-bóligi boıynsha tergeý júrip jatyr», - dedi Almaty qalalyq polıtsııa departamentiniń resmı ókili Saltanat Ázirbek.
Buǵan deıin jol apatynyń vıdeosy áleýmettik jelide taraǵan bolatyn.
Eske salaıyq, 28 naýryz kúni saǵat 22:00 shamasynda moped júrgizýshisi Abaı dańǵylymen batys baǵytta kele jatyp, Baıtursynov kóshesiniń qıylysynda baǵdarshamnyń eskertý sıgnalyna qaramastan ótip ketpek bolǵan.
Saldarynan «Toyota RAV4» avtokóligimen soqtyǵysty .
Apattan moped júrgizýshisi men onyń jolaýshysy túrli dene jaraqatyn alyp, aýrýhanaǵa jetkizilgen edi.
