Moped aıdaý úshin de júrgizýshi kýáligi kerek - ІІM

ASTANA. KAZINFORM — QR Іshki ister mınıstriniń orynbasary Igor Lepeha elimizde mopedter men elektrosamokattardyń qozǵalysyn retteý protsesin jetildirý josparyna túsinik berdi.

«Qazir túzetýlerdiń ekinshi paketi pysyqtalyp jatyr. Olar qabyldanǵannan keıin, shyn máninde túbegeıli ózgerister bolady. Birinshiden, qozǵaltqysh kólemine qaramastan mopedterdiń barlyǵy kólik quraly sanatyna jatqyzylyp, olardy júrgizý úshin 16 jastan asqandarǵa «A1» nusqasyndaǵy júrgizýshi kýáligi qajet bolady. Sondyqtan osy mopedterdiń barlyǵyn tirkep, esepke qoıamyz. Qazir osy kólik túrlerin basqaratyndarǵa is júzinde eshqandaı jaýapkershilik júktelmegen», - dedi I. Lepeha Senatta tilshiler suraǵyna jaýap bere otyryp.

Sonymen qatar, bul baǵytta eldi meken ákimderine qosymsha ókilettikter berilýi múmkin.

«Bul túzetýler paketinde taǵy bir óte mańyzdy norma bar. Endi ákimderde samokattarǵa qatysty retteý ókilettigi bolady. ıAǵnı olar ózderiniń qosymsha erejelerin belgileı alady. Bul turǵyda atalǵan kólikpen qaıda ótýge bolatynyn, olardyń qozǵalysyna qaı ýaqytta tyıym salý kerek ekenin belgileıdi. Máselen, jeksenbi kúni saıabaqtarda serýendep júrgen adamdar kóbeıgen kezde, park aýmaǵynda samokattardyń qozǵalysyna shekteý jasaýy múmkin», - dedi mınıstrdiń orynbasary.