Moped aıdaǵan 16 jasar atyraýlyq jol apatynan soń aýrýhanaǵa jetkizildi

ATYRAÝ. KAZINFORM — Atyraýda jol apatynan 16 jasar jasóspirim zardap shekti. Jasópirim mopedpen shaǵyn avtobýsqa soqtyǵysqan.

Atyraý qalalyq polıtsııa basqarmasynyń málimetinetine qaraǵanda, jol-kólik oqıǵasy 27 qańtarda keshki sǵat 18:50 shamasynda bolǵan. 

— Atyraý qalasyndaǵy Vladımırskıı kóshesinde Toyota Hiace avtokóligi solǵa burylý kezinde qarama-qarsy kele jatqan mopedpen soqtyǵysqan. Shaǵyn avtobýstyń rýlinde 49 jastaǵy júrigizýshi bolǵan. Al mopedti 16 jastaǵy jasóspirim júrgizgen. Jol-kólik oqıǵasynyń jasóspirim túrli dene jaraqatyn aldy. Zradap shekken jasóspirim jedel járdem brıgadasynyń kóligimen Atyraý oblystyq balalar aýrýhanasyna jetkizildi, - dep habarlady polıtsııa basqarmasynan. 

Atalǵan jol-kólik oqıǵasynyń mán-jaıy tekserilip, tıisti is qujattary jınaqtalyp jatyr.
Eske sala ketelik, budan buryn Atyraýda jol apatynan 16 jasar jasóspirim mert bolyp, 2 adam aýrýhanaǵa jetkizilgenin habarlaǵan edik.