Moody's Qazaqstannyń derbes nesıe reıtıngin «turaqtydan» «pozıtıvke» deıin jaqsartty

Moody's halyqaralyq reıtıng agenttigi Qazaqstannyń derbes nesıelik reıtıngin «Baa2» deńgeıinde rastaı otyryp, reıtıng boljamyn «turaqty» deńgeıden «pozıtıvke» deıin jaqsartty, dep habarlaıdy Kazinform.

Agenttiktiń boljamdy jaqsartýy el ekonomıkasyn ártaraptandyrý, ınvestıtsııalar tartý jáne kásipkerlikti qoldaýǵa baǵyttalyp júrgizilip jatqan reformalardy joǵary baǵalaǵanyn bildiredi.

Sarapshylardyń pikirinshe, ekonomıkalyq kúızelisterge tózimdiliktiń artýy Qazaqstannyń ekonomıkalyq damýynyń turaqtanǵanyn jáne perspektıvalarynyń jaqsarǵanyn kórsetedi.

Reıtıngti rastaý ornyqty memlekettik balanspen, tómen boryshtyq júktemege jáne shetel valıýtasyndaǵy eleýli rezervterge negizdelgen.

Agenttiktiń málimetinshe, shıkizattyq emes sektorlarǵa ınvestıtsııanyń aıtarlyqtaı artýy qazirgi syrtqy ortada ekonomıkany ártaraptandyrýǵa serpinniń artyp kele jatqanyn kórsetedi.

Sonymen qatar Moody's Qytaı men EO arasyndaǵy balamaly saýda joly retinde mańyzdylyǵy artyp kele jatqan Transkaspıı halyqaralyq kólik baǵyty aıasynda Qazaqstan úshin kólik-logıstıkalyq hab retinde jańa múmkindikter týyndap otyrǵanyn atap kórsetken.

Jalpy, Moody's sarapshylary Qazaqstan úshin qolaıly ekonomıkalyq perspektıvalardy boljap otyr.

Boljamdy «pozıtıvke» ózgertý – aldaǵy ýaqytta aǵymdaǵy dınamıkany saqtaı otyryp, QR-dyń derbes nesıe reıtıngin kóterý yqtımaldyǵynyń belgisi.