Moody’s agenttigi Otbasy banktiń qarjylyq turaqtylyǵyn joǵary ekenin rastady

ASTANA. KAZINFORM – Moody’s halyqaralyq reıtıngilik agenttigi Otbasy banktiń qarjylyq turaqtylyǵyn joǵary deńgeıde ekenin taǵy da rastady.

Agenttik bankke ulttyq valıýtadaǵy depozıtter boıynsha berilgen uzaqmerzimdi reıtıngti Baa1 deńgeıinde qaldyrdy. Sondaı-aq banktyń qysqa jáne uzaq merzimdi qarjylyq táýekelderdi basqarý qabileti de senimdi degen baǵasyn aldy. Moody’s bergen bul baǵalar Otbasy banktiń turaqty, senimdi jáne jaýapkershiligi joǵary qarjy ınstıtýty ekenin kórsetedi.

Búginde bank aktıvter kólemi boıynsha elimizdiń EDB ishinde 4-orynda, al menshikti kapıtal boıynsha 5-orynda tur. Bıyl bank ónimderiniń arqasynda 62 363 qazaqstandyq otbasy baspanaly bolyp, qonys toıyn atap ótti.

Kóptegen azamattar úshin baqytty qonystoı ıeleriniń qataryna qosylýǵa áli de múmkindik bar. Qazirgi ýaqytta Otbasy bank «Naýryz» baǵdarlamasy boıynsha ótinimder qabyldap jatyr. Ótinim qabyldaý 2025 jyldyń 1 jeltoqsanyna deıin jalǵasady. Osy kezeń aıaqtalǵan soń qatysýshylar pýldary qalyptasyp, odan ári kredıttik ótinimderdi qabyldaý, turǵyn úı izdeý jáne qaryz berý kezeńi bastalady. Búgingi tańda baǵdarlamaǵa 19 580 ótinim sátti tirkeldi. Onyń ishinde 3 119 ótinim – turǵyn úı kezeginde turǵan áleýmettik jaǵynan osal sanattaǵy azamattardan túsken.

«Naýryz» baǵdarlamasyna qatysýshylardyń basym bóligi – 35 jasqa deıingi jas qazaqstandyqtar. Turǵyndardyń eń kóp tańdaıtyn qalalary – Almaty, Astana jáne Shymkent. Bıyldyń ózinde bul baǵdarlama 7 404 otbasynyń qonys toıyn toılaýyna múmkindik berdi.
Bank turǵyn úı qurylys jınaq júıesi aıasynda qaryz berýdi de belsendi túrde jalǵastyryp keledi. Bul – búginde elimizdiń barlyq óńirindegi kóptegen azamattar úshin eń qoljetimdi jáne keńinen qoldanylatyn negizgi quraldardyń biri. Aımaqtarda «Dıplommen – aýylǵa» jobasy, jastarǵa arnalǵan bastamalar jáne túrli memlekettik baǵdarlamalar jumys istep, qazaqstandyqtardyń baspana alý múmkindigin keńeıtip otyr.

Osyndaı turaqty ári júıeli jumystyń nátıjesi banktiń kredıttik portfelinen aıqyn kórinedi. 2025 jyldyń 1 qazanyna berilgen málimetter boıynsha, Otbasy banktiń úlesi elimizdegi búkil ıpotekalyq portfeldiń 51 paıyzyn quraıdy. Al jalpy kredıttik portfel kólemi 3 885 454 mıllıon teńgege jetti.

Qarajat jınaýdy úırený qazaqstandyqtarǵa ıpotekany ýaqytynda óteýge de úlken kómek beredi. Turǵyn úı qurylysy jınaq júıesi qalyptastyratyn turaqty túrde aqsha jınaý daǵdysy azamattardyń qarjylyq jaýapkershiligin arttyrady. Sonyń nátıjesinde Otbasy bank klıentteri qaryzdaryn óteýde erekshe tártipti ári turaqty bolyp keledi.

Osy mádenıettiń arqasynda bank elimizdegi ekinshi deńgeıli bankter arasyndaǵy NPL kórsetkishi eń tómen uıymdardyń biri sanalady. Qazirgi ýaqytta 90 kúnnen astam merzimi ótken kredıtterdiń úlesi nebári 0,12 paıyzdy quraıdy, al naryqtaǵy ortasha kórsetkish – 3,52 paıyz.

Qazirgi tańda turǵyn úı qurylys jınaq júıesine elimizdiń 3,3 mıllıon azamaty senim artyp otyr, bul shamamen ekonomıkalyq turǵydan belsendi halyqtyń 33,6%-yn quraıdy. 2025 jyldyń 1 qarashasy jaǵdaı boıynsha depozıttik portfel kólemi 2 598 990 mıllıon teńgege jetti.

Osy jyly Otbasy bankte jańa depozıt ashqan adamdar sany 739 913 adamdy qurady. Olar bul qarajatty keıingi ýaqytta eń tómengi paıyzdyq mólsherlememen nesıe alyp, turǵyn úı satyp alý úshin paıdalanbaq.

Jeke tulǵalarǵa bolashaqtaǵy baspanasy úshin qarajat jınaýǵa memleket te qoldaý kórsetedi.

Jyl saıyn memleket depozıt somasynyń 20%-yna deıingi syılyqaqyny (maksımaldy 200 AEK) eseptep beredi. 2025 jyly da bul múmkindik saqtalady. Jyl sońyna deıin, ıaǵnı 31 jeltoqsanǵa deıin, depozıtke 786 400 teńge salsańyz, maksımaldy syılyqaqy retinde 157 280 teńge alýǵa bolady.

Depozıt ashý úshin bank keńesshilerine júginýge bolady, al qashyqtan rásimdeýdi mobıldi qosymsha nemese vıdeobank arqyly jasaýǵa múmkindik bar.