Moody's Qazaqstannyń Turǵyn úı qurylys jınaq banki reıtıngin rastady

ASTANA. QazAqparat - Moody's investors service halyqaralyq reıtıng agenttigi «Baa3» elderiniń táýelsiz reıtıngi deńgeıinde «Qazaqstan Turǵyn úı qurylys jınaq banki» AQ («Báıterek» holdınginiń enshiles uıymy) uzaqmerzimdi kredıttik reıtıngin rastady.

Bul reıtıng Qazaqstan Turǵyn úı qurylys  jınaq banki turaqtylyǵyn, basqarý qyzmeti men bıznes-strategııa tıimdiligin kórsetedi, - dep málimdedi Qazaqstan Turǵyn úı qurylys  jınaq bankiniń baspasóz qyzmetinde.

2016 jylǵy 9 aıdyń nátıjesi boıynsha bank eldegi barlyq ıpotekalyq qaryzdyń 64 paıyzyn berdi. Bul rette bankte kredıttik portfeldiń sapasy óte joǵary, problemalyq qaryzdardyń úlesi 0,44 paıyzdy quraıdy. Merzimi ótken bereshektiń mundaı tómen deńgeıi qaryz alýshylardyń tólem tártibiniń jaqsy ekenin kórsetedi. Qazir bankte 730 myń depozıt bar, osy jylǵy 9 aıda bank júıesine 187 myń jańa qatysýshy kirdi.