Moody's Qazaqstan reıtıngi boljamyn turaqty dep ózgertti
ASTANA. QazAqparat - Sársenbi kúni Moody's halyqaralyq reıtıng agenttigi Qazaqstannyń táýelsiz reıtıngin Vaa3 deńgeıinde quptap, keri boljamyn turaqtyǵa kóterdi. Bul jaıynda atalǵan agenttiktiń habarlamasynda aıtylǵan, dep habarlaıdy QazAqparat.
Taratylǵan aqparatta boljamnyń ózgerýi men reıtıngterdiń quptalýy agenttik sarapshylarynyń eldiń ekonomıka, bıýdjet jáne bank júıeleriniń qara altyn baǵasynyń quldyraý qurylymyna yńǵaılanyp, ósimin arttyrýy týraly pikirlerimen qýattalǵandyǵy aıtylǵan.
V Moody's munaı baǵasynyń jahandyq quldyraýyna baılanysty Qazaqstan qabyldaǵan jedel sharalar, onyń ishinde antıtsıkldik saıasat pen valıýta baǵamynyń ıkemdiligi ekonomıkany qoldaýǵa jáne bolashaqta amortızatsııalyq áleýetti saqtaý perspektıvasyna septigin tıgizdi dep sanaıdy.
Máselen, sarapshylar munaı rekapıtalızatsııa kezinde respýblıkanyń qarjylyq jaǵdaıy sheteldik valıýtamen alynǵan zaımdar boıynsha shyǵystardyń ósýine jáne birqatar banktiń qaıta kapıtaldandyrylýyna qaramastan sál ǵana nasharlady dep sanaıdy. Bul kútpegen jaǵdaılarda áleýettik táýekelderdi basqarý úshin ıkemdilikti jáne jetkilikti qarjylyq resýrstardy qamtamasyz etti.
Agenttik Qazaqstan bıliginiń bank júıesin kúsheıtý jáne qaıta kapıtaldandyrýǵa baǵyttalǵan is-áreketin oń baǵalap otyr. Atalǵan shara aıasynda Úkimet ekinshi deńgeıli bankterde 500 mlrd teńge (1,5 mlrd dollar) somasynda qoldaý kórsetýge daıyn ekendigin málim etken bolatyn.
Reıtıng agenttiginiń sarapshylary taıaý jyldary Qazaqstan Ulttyq qordaǵy aktıvin munaı baǵasy barreline 40-60 dollar dálizinde bolǵan jaǵdaıda 60 mlrd dollar deńgeıinde turaqtandyra alady dep sanaıdy.
