Moody's agenttigi «Azyq-túlik kelisim shart korporatsııasy» UK» AQ korporatıvtik reıtıng boljamyn «Turaqtyǵa» ózgertti
ASTANA. QazAqparat - Moody's agenttigi «Azyq-túlik kelisim shart korporatsııasy» UK» AQ-nyń korporatıvtik reıtıng boljamyn «Turaqtyǵa» ózgertti. Bul týraly QazAqparat korporatsııanyń baspasóz qyzmetine silteme jasap habarlaıdy.
«Moody's Investors Service» agenttiginiń 2018 jyldyń 23 qarashasyndaǵy nesıelik uıǵarymyna sáıkes «Azyq-túlik kelisim shart korporatsııasy» UK» AQ-nyń V1 korporatıvtik reıtıng boljamynyń mártebesi «Yqtımal tómendetýden» «Turaqtyǵa» ózgertildi», - delingen kompanııa taratqan baspasóz málimdemesinde.
Moody's Investors Service zertteýlerine sáıkes, reıtıng boıynsha «turaqty» boljamy agenttiktiń 2018 jyldyń jeltoqsanynda bolatyn «Azyq-túlik kelisim shart korporatsııasy» UK» AQ-nyń óziniń oblıgatsııalaryn óteý boljamdaryn, sonymen qatar kompanııanyń 2017 jylmen salystyrǵandaǵy qarjylyq ahýalyn «QazAgro» UBH» AQ-nan memlekettik qoldaý alý arqyly turaqty jaqsarýyn kútetindigin kórsetedi.
Bul boljam 2018 jyly korporatsııanyń basqarýyna «QazAgro» holdıngi arqyly memlekettiń tyǵyzyraq qatysýyn jáne memleket tarapynan Qazaqstannyń agrarlyq salasyn qoldaýdyń jalpy ósýi boıynsha kompanııany memlekettik qoldaýdy arttyrýdyń belgilerin qarastyrady.
«Azyq-túlik kelisim shart korporatsııasy» ulttyq kompanııasy» AQ-nyń negizgi qyzmeti Qazaqstannyń azyq-túlik qaýipsizdigin qamtamasyz etýge qatysý, ishki astyq naryǵyn turaqtandyrýǵa jáne ekporttyń damýyna járdemdesý ekenin eske sala keteıik. Kompanııanyń jalǵyz aktsıoneri - «QazAgro» ulttyq basqarýshy holdıngi» AQ.
