Monsha men saýnalar qandaı talappen jumys isteı bastaıdy

NUR-SULTAN. QazAqparat - 17 tamyzdan bastap elimizde monsha men saýnalar jumysyn bastaıdy. Bul týraly búgin Ortalyq kommýnıkatsııalar qyzmetinde ótken onlaın-brıfıngte aıtyldy, dep habarlaıdy QazAqparat tilshisi.

«Monsha men saýnanyń jumys isteýine ruqsat etiledi. Bastapqy kezeńde monsha men saýnalardyń jumysy basseınsiz júzege asyrylady. Nysannyń ishi 50% bos bolýy kerek jáne ár kelýshige kem degende 4 sharshy metr aýmaqtan kelýi tıis», - dedi QR Bas memlekettik sanıtarlyq dárigeri Aıjan Esmaǵambetova.

A.Esmaǵambetova atap ótkendeı, koronavırýstyń taralý sanyn azaıtý boıynsha qol jetkizilgen dınamıkany saqtap qalý qajet.

«ıAǵnı, Qazaqstandaǵy koronavırýs boıynsha epıdemıologııalyq jaǵdaıdyń turaqtanýyn sıpattaıtyn dınamıkany saqtap qalý kerek. Sondyqtan, birinshi kezeńde qashyqtan jumys isteý boıynsha 80/20 qatynasy saqtalady. Múmkindiginshe, qashyqtan jumys formatyn saqtap, jumysqa qyzmetkerlerdiń 20% ǵana kelgeni durys», - deıdi ol.

Budan buryn habarlanǵandaı, 13 tamyzda QR Premer-Mınıstri Asqar Mamınniń tóraǵalyǵymen ótken memlekettik komıssııa otyrysynda Karantın sharalaryn kezeń-kezeńimen alyp tastaý jospary bekitildi.