Monrealdaǵy halyqaralyq uıym shtab-páterinde tuńǵysh ret qazaq fılmi kórsetildi
ASTANA. KAZINFORM — Alǵash ret IKAO-nyń shtab-páterinde qazaq fılminiń kórsetilimi ótti, dep habarlaıdy Azamattyq avıatsııa komıtetiniń baspasóz qyzmeti.
Monreal qalasyndaǵy IKAO shtab-páterinde Halyqaralyq azamattyq avıatsııa uıymy (IKAO) janyndaǵy Qazaqstan Respýblıkasynyń Turaqty ókildigi men ICAO Cinema Club-tyń járdemimen alǵash ret qazaq tilinde aǵylshyn sýbtıtrlerimen «Baqyt qushaǵynda» atty qazaq fılm-mıýzıkliniń kórsetilimi uıymdastyryldy.
Іs-sharaǵa IKAO Keńesiniń Prezıdenti Toshııýkı Onýma myrza, Uıymnyń Bas hatshysy Hýan Karlos Salasar myrza, Qazaqstan Respýblıkasynyń Kanadadaǵy Elshisi Daýletbek Qusaıynov myrza, sondaı-aq IKAO janyndaǵy múshe memleketterdiń Turaqty ókilderi, Uıymnyń qurylymdyq bólimsheleriniń basshylary, IKAO Hatshylyǵy men Qazaqstannyń Kanadadaǵy elshiliginiń qyzmetkerleri jáne Monreal qalasyndaǵy qazaq dıasporasynyń ókilderi qatysty.
Óz sózinde IKAO janyndaǵy QR Turaqty ókili Tımýr Tlegenov myrza atalǵan is-sharanyń tarıhı sıpatqa ıe ekenin atap ótti, óıtkeni IKAO Shtab-páteriniń qabyrǵasynda alǵash ret qazaq fılminiń kórsetilimi uıymdastyryldy.
Tımýr Tlegenov bul oqıǵanyń tarıhı mańyzyn atap ótip, IKAO shtab-páterinde alǵash ret qazaq fılminiń kórsetilgenin jetkizdi. Ol mundaı mádenı bastamalar halyqaralyq túsinistik pen mádenı baılanystardy nyǵaıtatynyn aıtty.
Toshııýkı Onýma qazaqstandyq tarapqa keshti joǵary deńgeıde uıymdastyrǵany úshin alǵys bildirip, mádenı dıplomatııanyń halyqaralyq yntymaqtastyqtaǵy rólin erekshe atap ótti.
Kórsetilim aldynda qonaqtarǵa qazaqtyń ulttyq taǵamdary usynylyp, dombyrada mýzykalyq baǵdarlama oryndaldy. «Saryarqa», «Qara jorǵa», «Qaratorǵaı», «Alataý» syndy shyǵarmalar shyrqaldy.
Іs-shara sońynda qonaqtar keshtiń joǵary deńgeıde uıymdastyrylǵanyn aıtyp, qazaq fılmin jyly qabyldaǵanyn jáne onyń kórermender tarapynan oń pikir alǵanyn jetkizdi.
Osyǵan deıin IKAO Bas hatshysy Qazaqstannyń avıatsııa salasyndaǵy úlesin atap ótkenin jazǵan edik.
