Monopolııaǵa qarsy kúres agenttigi Qazaqstannyń uıaly baılanys operatorlaryn aıyptady
ASTANA. 12 maýsym. QazAqparat - QR Básekelestikti qorǵaý agenttigi Qazaqstannyń baılanys operatorlarynyń básekege qarsy áreketterin aıyptaýda.
«Kar-Tel», «GSM Kazahstan OAO «Qazaqtelekom», «Altel» jáne olardyń seriktesteri bolyp tabylatyn tólem termınaldary operatorlarynyń tarapynan jasalyp jatqan áreketterde básekege qarsy kelisimniń belgileri bar», - dep habarlaıdy agenttiktiń baspasóz qyzmeti.
Kompanııalar taýarly bazarlardy jabdyqtaýshylar boıynsha bólip alý, belgili bir jabdyqtaýshylarmen jumys jasaýǵa kelisimin qasaqana bermeý nemese kelisimsharttan jaltarý, taýarly bazarǵa naryqtyń ózge sýbektilerin kirgizbeý nemese alastatý syndy áreketterge jol bergen.
