Monopolııaǵa qarsy agenttik jýrnalıster arasynda konkýrs jarııalady

Vedomstvo buqaralyq aqparat quraldarynyń arasynda mundaı konkýrsty alǵash ret ótkizgeli otyr.

Respýblıkalyq jáne oblystyq buqaralyq aqparat quraldarynyń redaktsııalary, ınternet-portaldar, aqparattyq agenttikterdiń saıttary, sondaı-aq jeke avtorlar (jýrnalıster) qatysa alatyn bul konkýrsqa 2011 jyldyń qańtar-tamyz aılarynda tele-jáne radıoarnalarda shyqqan jáne aqparattyq agenttikterdiń taspalarynda jarııalanǵan, baspasóz basylymdarynda ornalastyrylǵan baspa, dybys-beınematerıaldary qabyldanady.

Konkýrs: «Teledıdardaǵy eń úzdik beınematerıal», «Gazet pen jýrnaldardaǵy eń úzdik jarııalanym», «Radıodaǵy eń úzdik materıal», «Internet - resýrstarda ornalasqan eń úzdik materıal» atalymdary boıynsha ótkiziledi.

Jumys úshin usynylyp otyrǵan taqyryptar: «Básekelestik Qazaqstan Respýblıkasy naryq ekonomıkasynyń tıimdiligin kóterý faktory retinde», «Qazaqstan Respýblıkasynyń monopolııaǵa qarsy organy jáne onyń ulttyq ekonomıkany qalyptastyrýdaǵy róli», «Óńirlik básekelestikti damytý joldary», «Memlekettiń monopolııaǵa qarsy saıasaty básekelestik qabilettiliginiń faktory», «Básekelestik ónimderdiń sapasyn kóterý negizi», «Qazaqstan Respýblıkasyndaǵy básekelestik saıasatynyń ahýaly men damý tendentsııalary týraly», «Óńirlerde básekelestikti damytýǵa tıimdi júıeni qalyptastyrý», «Óńirlik básekelestik saıasatty iske asyrý» jáne t.b.

Jumystar 2011 jylǵy 1 qyrkúıekke deıingi merzimde myna meken-jaıy boıynsha: Astana qalasy, Sol jaǵalaý, «Mınıstrlikter úıi» ákimshilik ǵımaraty, 4-kireberis, Qazaqstan Respýblıkasy Básekelestikti qorǵaý agenttigi (Monopolııaǵa qarsy agenttik), Strategııalyq josparlaý departamentinde qabyldanady.

Konkýrs boıynsha qosymsha málimetterdi Aqparattyq súıemeldeý jáne Jıyntyq-taldaý basqarmasynan (7172) 74 96 33 telefony boıynsha nemese Agenttiktiń www.azk.gov.kz saıtynan alýǵa bolady.