Monopolııaǵa qarsy agenttik un tartatyn birqatar kásiporyndardy jaýapkershilikke tartty
ASTANA. 8 aqpan. QazAqparat - QR Básekelestikti qorǵaý agenttigi un tartatyn 5 kásiporynǵa qatysty ákimshilik zań buzýshylyqtar boıynsha is qozǵady.
Monopolııaǵa qarsy agenttiktiń baspasóz qyzmeti habarlaǵanyndaı, ákimshilik jaýapkershilikke «Óskemen un tartý kombınaty», «Farman», «Mıdıa», «Ak-Elıt» jáne «Askom» kásiporyndaryn tartý kózdelýde.
«Atalmysh sýbektiler bıdaı qunynyń ózgerissiz qalǵanyna qaramastan, satylymǵa shyǵarylǵan birinshi suryp unnyń baǵasyn negizsiz kóterip jibergen», - delingen baspasóz qyzmetiniń habarlamasynda.
