Monopolııaǵa qarsy agenttik básekelestik saıasat máseleleri boıynsha jýrnalıster arasynda eń úzdik jarııalanymǵa baıqaý jarııalaıdy
ASTANA. 1 maýsym. QazAqparat - Qazaqstan Respýblıkasy Básekelestikti qorǵaý agenttigi (Monopolııaǵa qarsy agenttik) Qazaqstan Respýblıkasynda básekelestik saıasat máseleleri boıynsha jýrnalıster arasynda «2011-Básekelestik-BAQ» eń úzdik jarııalanymdarǵa konkýrs jarııalaıdy.
Básekelestik máselelerin jazatyn buqaralyq aqparat quraldary arasynda konkýrs alǵash ret ótkiziledi.
Konkýrstyń uıymdastyrýshysy Qazaqstan Respýblıkasy Básekelestikti qorǵaý agenttigi (Monopolııaǵa qarsy agenttik) bolyp tabylady.
Konkýrsqa qatysýǵa respýblıkalyq jáne oblystyq BAQ-nyń redaktsııalary, ınternet-portaldar, aqparattyq agenttikterdiń saıttary, sondaı-aq jeke avtorlar (jýrnalıster) shaqyrylady.
Konkýrsqa 2011 jyldyń qańtar-tamyz aılarynda tele-jáne radıoarnalarda shyqqan jáne aqparattyq agenttikterdiń taspalarynda jarııalanǵan merzimdik basylymdardaǵy baspa, dybys-beınematerıaldary qabyldanady.
Konkýrs negizgi 4 atalym boıynsha ótkiziledi:
- «Teledıdardaǵy eń úzdik beınematerıal»;
- «Gazet pen jýrnaldardaǵy eń úzdik jarııalanym»;
- «Radıodaǵy eń úzdik materıal»;
- «Internet - resýrstarda ornalasqan eń úzdik materıal».
Konkýrs úshin usynylyp otyrǵan taqyryptar: «Básekelestik - Qazaqstan Respýblıkasy naryq ekonomıkasynyń tıimdiligin kóterý faktory retinde», «Qazaqstan Respýblıkasynyń Monopolııaǵa qarsy organy jáne onyń ulttyq ekonomıkasyn qalyptastyrýdaǵy roli», «Óńirlik básekelestikti damytý joldary», «Memlekettiń monopolııaǵa qarsy saıasaty básekelestik qabilettiliginiń faktory», «Básekelestik ónimderdiń sapasyn kóterý negizi», «Qazaqstan Respýblıkasyndaǵy básekelestik saıasatynyń ahýaly men damý úrdisteri týraly», «Óńirlerde básekelestikti damytýǵa tıimdi júıeni qalyptastyrý», «Óńirlik básekelestik saıasatty iske asyrý» jáne t.b.
Jumystar 2011 jylǵy 1 qyrkúıekke deıingi merzimde myna meken-jaıda: Astana qalasy, Sol jaǵalaý, «Mınıstirlikter úıi» ákimshilik ǵımaraty, 4-kireberis, Qazaqstan Respýblıkasy Básekelestikti qorǵaý agenttigi (Monopolııaǵa qarsy agenttik), Strategııalyq josparlaý departamentinde qabyldanady.
Konkýrs boıynsha qosymsha málimetterdi Aqparattyq súıemeldeý jáne Jıyntyq- taldaý basqarmasynan (7172) 74 96 33 telefony boıynsha nemese Agenttiktiń www.azk.gov.kz . saıtynan alýǵa bolady.
Konkýrstyń jeńimpazdary dıplomdarmen, eskertkish kýboktarymen jáne baǵaly syılyqtarmen marapattalady. Marapattaý rásimi Almaty qalasynda 2011 jyldyń qazan aıynyń birinshi onkúndiginde Qazaqstan Respýblıkasy Táýelsizdiginiń 20-jyldyǵyna oraılastyrylǵan, Táýelsiz Memleketter Dostastyǵy jáne Qazaqstan Respýblıkasynyń monopolııaǵa qarsy organnyń qurylǵanyna sáıkes (TMD qatysýshy-elderdiń MSMK-niń sheńberinde ótkiziledi) Halyqaralyq konferentsııasynda júzege asyrylady.
