Monopolıster xalyqqa 900 mln teńgeni qaıtarady
ASTANA. QazAqparat - Zań boıynsha monopolıster árbir adamnyń jylýǵa ketirgen aqshasyn qaıta eseptep otyrýy qajet. Sebebi daladaǵy aýa temperatýrasyna qaraı kómir jáne taǵy basqa resýrstar árqalaı jaǵylady, tutynýshylarǵa beriletin jylýdyń deńgeıi de ártúrli bolady, dep xabarlaıdy QazAqparat tilshisi.
«Halyqtyń aqshasyn qaıta eseptegende jylý maýsymynda bolǵan naqty aýa temperatýrasy eskeriledi. Máselen, ótken jyldaǵy jylý maýsymy boıynsha barlyq tutynýshylarǵa 900 mln teńge qaıtarylýy tıis. Ol aqsha qazirgi tólemaqyny tómendetý arqyly qaıtarylady», - deıdi Tabıǵı monopolııalardy retteý jáne básekelestikti qorǵaý komıteti tóraǵasynyń orynbasary Asan Darbaev.
Onyń aıtýynsha, qaıtarylǵan aqsha árbir adamnyń jeke esepshotynda avans retinde kórsetilýi kerek. Al jylý úshin ketken artyq aqshany esepteý sharalary jańa jylý maýsymy, ıaǵnı qazirgi kezde bastalyp ketti.
Aıta keteıik, búginde respýblıka boıynsha jylý maýysymy bastalsa da, aýa-raıy sýymaı tur. Demek, kelesi jylý maýysymy kezinde de xalyqqa biraz aqsha qaıtarylýy shart.
