Monoqalalardyń aınalasynda ken izdeý jumystary júrgiziledi - mınıstr

NUR-SULTAN. QazAqparat – Shyǵys, Ortalyq jáne Soltústik Qazaqstandaǵy monoqalalardyń aınalasynda iri aýqymdy izdestirý jumystaryn júrgizý kózdeledi. Bul týraly Úkimet otyrysynda QR Maǵzum Maratuly Myrzaǵalıev Ekologııa, geologııa jáne tabıǵı resýrstar mınıstri aıtty, dep habarlaıdy QazAqparat tilshisi.

«Qalanyń negizi bolyp turǵan kásiporyndardyń qorlarmen qamtamasyz etilý problemalary, paıdaly qazbalar qorlarynyń tómen tolyqtyrylýy jáne «jetilgen» dep atalatyn ken oryndarynda óndirýdiń tómendeýi búgingi kúni sheshýdi talap etetin negizgi máseleler bolyp otyr. 2025-2040 jyldarǵa qaraı monoqalalardyń aınalasynda ornalasqan birqatar iri ken oryndary sarqylady dep boljanýda», - dedi mınıstr.

Onyń atap ótýinshe, geologııalyq zerdeleýdi arttyrý men paıdaly qazbalardyń basym túrleriniń resýrstaryn baǵalaý úshin 2021-2025 jyldarǵa arnalǵan geologııalyq barlaýdyń memlekettik baǵdarlamasy ázirlendi.

«Onda Shyǵys, Ortalyq jáne Soltústik Qazaqstandaǵy monoqalalardyń aınalasynda iri aýqymdy izdestirý jumystaryn júrgizý kózdeledi. Bul qalanyń negizi bolyp turǵan kásiporyndardyń úzdiksiz jumysyn qamtamasyz etedi», - dedi Maǵzum Myrzaǵalıev.