Monoqalalardy damytýdy kózdeıtin birqatar jobalar toqtap tur - vıtse-mınıstr Q. Óskenbaev
ASTANA. 10 qyrkúıek. QazAqparat - Búginde qarajattyń jetispeýshiligi saldarynan monoqalalardy damytý baǵdarlamasy aıasyndaǵy birqatar jobalar toqtap tur. Bul týraly Úkimettiń búgingi otyrysynda QR Óńirlik damý vıtse-mınıstri Qaıyrbek Óskenbaev málim etti.
Onyń habarlaýynsha, barlyq 47 jobanyń ishinen Stepnogorsk, Hromtaý, Jezqazǵan, Arqalyq jáne Ekibastuz qalalarynda barlyǵy 14 joba paıdalanýǵa berildi. 32 jobanyń qujattary daıyndalyp jatyr. «Alaıda, Jitiqara jáne Lısakovsk qalalarynda qarjylandyrý jáne ınvestor izdeý máseleleri sheshilmeı jatyr. Sondaı-aq, Sátbaev, Shahtınsk, Rýdnyı jáne Serebrıansk qalalarynda qarjy jetispeýshiligi saldarynan 4 joba toqtap tur», - dep atap kórsetti vıtse-mınıstr. Aıta keteıik, monoqalalardy damytýdyń 2012-2020 jyldarǵa arnalǵan baǵdarlamasyn iske asyrý baǵyttarynyń biri - ekonomıkany ártaraptandyrý, sondaı-aq shaǵyn jáne orta bıznesti damytý. Ol úshin monoqalalardyń ákimderi kem degende 1 jobany iske asyrýǵa mindetti. Árbir joba aıasynda 100 jańa jumys orny ashylýy shart. Qazirgi kezde jalpy somasy 600 mlrd. teńgege baǵalanǵan 47 joba bar. Onyń barlyǵy iske asatyn bolsa, 25 myńnan astam jańa jumys orny ashylady.
