Monoqalalardyń shetindegi qaldyq úıindilerin qaıta óńdeý jospary jasalady
ASTANA. KAZINFORM – Premer-mınıstr Oljas Bektenov Úkimet otyrysynda monoqalalardyń shetindegi qaldyq úıindilerin qaıta óńdeý jospary jasaýdy tapsyrdy.
«Qazirgi tańda monoqalalarda bos turǵan óndiristik alańdar bar. Olardy paıdalaný kerek. Ónerkásip mınıstrligi eki aptanyń ishinde monoqalalardaǵy bos turǵan alańdarda shaǵyn ónerkásiptik aımaqtardy qurýǵa baılanysty naqty usynystar engizsin», - dedi Premer-mınıstr.
Sondaı-aq, ol monoqalalardyń shetinde úıilip jatqan óndiristik qaldyqtardy qaıta óńdeýdiń mańyzyna toqtaldy.
«Tehnogendik-mıneraldy túzilimderdiń áleýetin belsendi paıdalanýdy monoqalalardaǵy «ósý núkteleriniń» birine aınaldyrýǵa bolar edi. Bul – taý-ken jáne qaıta óńdeý óndiristerinen jınaqtalyp qalǵan qaldyqtar. Biraq olardyń quramynda kóptegen paıdaly komponentter, qundy jáne sırek metaldar bar. Qazirgi tehnologııalar olardy ıgerýdiń joǵary deńgeıin qamtamasyz ete alady. Ónerkásip jáne Ekologııa mınıstrlikterine tehnogendik-mıneraldy túzilimderdi qaıta óńdeý úshin ınvestorlar tartýdy tapsyramyn. Bir aıdyń ishinde baıandańyz. Bul rette ken oryndaryndaǵy paıdaly qazbalardyń qoryn da eskerý kerek. Bul rette Arqalyq qalasyn mysalǵa keltirýge bolady. Onda shıkizat qory taýsylyp, Torǵaı boksıt ken basqarmasy jabylyp qalǵan bolatyn», - dedi Oljas Bektenov.
