Monoqalalardy jastarǵa tartymdy etemiz – Oljas Bektenov
Oblys ákimderi monoqalalardyń ınfraqurylymyn qaraýsyz qaldyrǵan – Oljas BektenovASTANA. KAZINFORM – Premer-mınıstr Oljas Bektenov Úkimet otyrysynda monoqalalardy jastarǵa tartymdy etý úshin qandaı sharalar qabyldaný kerektigin aıtty.
«Biz monoqalalardy damytyp, jastar úshin tartymdy etkimiz keledi. Ol úshin tabysty arttyryp, jumys oryndaryn kóbeıtý qajet. Atalǵan mindet óndiristerdi keńeıtý, jańa jobalardy iske qosý, bızneske qolaıly jaǵdaılar jasaý arqyly júzege asyrylýǵa tıis. Ákimdikter jas mamandarǵa jaǵdaı jasap, áleýmettik paketter usynýy kerek. Monoqalalarda óndiris oryndary bar kompanııalar da korporatıvtik áleýmettik jaýapkershilikteri týraly umytpaýǵa tıis. Onyń ishinde, jumyskerlerdiń quqyqtaryn qorǵaýǵa, óndiristi keńeıtýge, halyqtyń turmys sapasyn jaqsartýǵa baǵyttalǵan áleýmettik bastamalarǵa birinshi kezekte nazar aýdarý qajet», - dedi Úkimet basshysy.
Sondaı-aq, ol oblys ákimderi monoqalalardyń ınfraqurylymyn qaraýsyz qaldyrǵanyn atap ótti.
«Monoqalalarda jaıly turmys deńgeıi ınfraqurylym obektileriniń turaqty jumysyna tikeleı baılanysty. Olardyń kópshiliginde ınjenerlik jáne áleýmettik ınfraqurylym ábden tozǵan. Oblys ákimdikteri jaǵdaıdy jaqsartý úshin qajetti sharalar qabyldaǵan joq. Sondyqtan qalypty turmys jaǵdaıy men qyzmetterdi qamtamasyz etýge basa nazar aýdarý kerek», - dedi Premer-mınıstr.
