Monoqalalarda ShOB alty baǵyt boıynsha damıdy - QR Óńirlik damý vıtse-mınıstri S. Jumanǵarın
ASTANA. 5 sáýir. QazAqparat - «Monoqalalardyń ekonomıkasyn damytý úshin biz quraldardyń úlken paketin usyndyq.
Biraq, eń bastysy - ShOB-ti damytý. Ol 6 baǵyt boıynsha júzege asyrylýda. Barlyq monoqalalarda turaqty jobalardy qurý baǵdarlamasy iske asýda, ıaǵnı bul 100-den keme emes jumys orny bar iri óndirister. Kóptegen qalalarda bul óndirister jumysyn bastap ketti», - atap ótti QR Óńirlik damý vıtse-mınıstri Serik Jumanǵarın Primeminister.kz saıtyna bergen suhbatynda.
Budan ózge, ol osy qalalarda júıe qalyptastyratyn ulttyq kompanııalar qosymsha óndirister quratynyn, burynǵy mamandandyrylǵan sharýashylyqtar qalpyna keletinin aıtty.
«Mysalǵa, Janatas pen Qarataý qalalarynda «Evrohım» iri ınvestıtsııalyq jobasyn ornalastyrý josparlanǵan, Jezqazǵan men Arqalyqta aımaqtardyń tuıyqtyǵyn joıýǵa múmkindik beretin temir jol ótedi», - dep tolyqtyrdy ÓDM basshysynyń orynbasary.
Aıta ketý kerek, basqa qalalarda «Bıznestiń Jol kartasy -2020» baǵdarlamasy boıynsha sýbsıdııalaý 7% bolsa, monoqalalarda ol 10%-dy quraıdy.
«Aıtalyq, eger bankten 12%-ǵa nesıe alatyn bolsa, onyń 10-yn memleket sýbsıdııalaıdy, tek 2% ǵana bıznesmenge artylady. Biz salalyq shekteýlerdiń bárin alyp tastadyq, monoqalalarda tipti saýda da sýbsıdııalanady, jańa óndiristerdi qurýǵa 3 mln teńgege deıin aqysyz granttar qamtamasyz etiledi, iri kásiporyndardyń shaǵyn bıznespen seriktestik baǵdarlamalary jasalady», - dep mysal keltirdi vıtse-mınıstr.
«Bıyl monoqalalardy damytýǵa 34 mlrd teńge qarastyrylǵan. 3 jylda 120 mlrd teńge bólý josparlanǵan. Árıne, ekonomıkalyq qıynshylyqtar da joq emes. Osy jyly ınfraqurylymdy damytýǵa azdaý qarjy bóletin shyǵarmyz, biraq kez kelgen jaǵdaıda monoqalalar bul aqshany alady», - dep atap ótti ol.
Sondaı-aq, shaǵyn jáne monoqalalarda aýmaqty marketıngileý tujyrymdamasy qoldanylady. «Bizdiń maqsatymyz qalanyń adamdarǵa qyzyqty bolýyna yqpal etetin faktorlardy anyqtaý», - dedi S.Jumanǵarın.
«Mysaly, qala - kólik toraby, ındýstrııaldy qala, týrıstik ortalyq, tarıhı qala. Shortandy, Saryaǵash, Qarqaraly sııaqty qalalardyń týrıstik klaster retinde damıtyny belgili. Aglomeratsııa áser etken aımaqta ornalasqan shaǵyn jáne monoqalalar da bar. Olar tek Shaǵyn nemese monoqalalardy damytý baǵdarlamasy sheńberinde ǵana damyp qoımaı, Aglomeratsııany damytý baǵdarlamasy aıasynda júıeli damıtyn bolady», - dep qorytyndylady ÓDM basshysynyń orynbasary.
