Monoqalalarda apattyq turǵyn úılerdi qalpyna keltirý jumysy jalǵasady - vıtse-mınıstr
ASTANA. 10 qyrkúıek. QazAqparat - Búginde monoqalalarda ınjenerlik-kommýnıkatsııalyq ınfraqurylymnyń tozý deńgeıi joǵary bolyp tur. Onyń ortasha kórsetkishi 70 paıyzdan asady. Bul týraly Úkimettiń búgingi otyrysynda QR Óńirlik damý vıtse-mınıstri Qaıyrbek Óskenbaev málim etti.
Onyń habarlaýynsha, monoqalalardy damytý baǵdarlamasyna engen qalalarda apattyq jaǵdaıda turǵan turǵyn úıler barshylyq. Onyń basym bóligi Arqalyqta - 84,7 paıyz, Abaı qalasynda - 36,7 paıyz, Jańaózende - 10,9 paıyz, Qarataýda - 8,4 paıyz jáne Jańatasta - apattyq úılerdiń 7,1 paıyzy ornalasqan. «Úkimet ol úshin aǵymdaǵy jyly maqsatty túrde 750 mln. teńge kózdedi. Naqty nátıje de joq emes. Jańatas qalasynda - 62, Qarataýda - 18, Abaı qalasynda - 16 jáne Arqalyqta - 17 apattyq turǵyn úıdi buzý boıynsha tıisti jumystar atqarylyp jatyr», - dep atap kórsetti Q. Óskenbaev.
