Monoqalalardaǵy iri kásiporyndardyń aınalasynda shaǵyn kásiporyndar qurý zańmen bekitiledi
ASTANA. KAZINFORM – Monqalalardaǵy iri kásiporyndardyń aınalasynda shaǵyn kásiporyndar qurý zańmen bekitiledi. Bul týraly Úkimet otyrysynda Ónerkásip jáne qurylys mınıstri Qanat Sharlapaev aıtty.
«Monoqalalardaǵy iri kásiporyndardyń aınalasynda shaǵyn jáne orta bıznes beldeýin qurý boıynsha toqtalǵym keledi. Buǵan deıin bul jumys erikti negizde júrgizilse, qazir iri kásiporyndar aınalasynda shaǵyn kásiporyndar beldeýin qurý jáne olarmen uzaq merzimdi ofteık-kelisimsharttar jasasý mindetin zańnamada bekitetin bolamyz», - dedi mınıstr.
Máselen, onyń aıtýynsha, búginde iri tapsyrys berýshiler men monoqalalardaǵy otandyq óndirýshiler arasynda 24,5 mlrd teńgege 20 uzaq merzimdi shart jáne 47,3 mlrd teńgege13 (on úsh) ofteık-kelisimshart jasaldy.
«Qoldanystaǵy mehanızm aıasynda monoqaladaǵy birqatar kásiporyndar shıkizattyń qajetti kólemin tıimdi baǵamen alý úshin jetkizýshilermen kelisimshartqa otyrdy. Qazirgi ýaqytta bul mehanızm jetildirlip jatyr», - dedi Qanat Sharlapaev.
