Mońǵolııanyń Syrtqy ister mınıstri Qazaqstanǵa saparmen keledi
ASTANA. QazAqparat - Osy aptada Mońǵolııanyń Syrtqy ister mınıstri Dandıngın Tsogtbaatar Qazaqstanǵa alǵashqy resmı saparmen keledi. Bul týraly QR Syrtqy ister mınıstrliginde ótken baspasóz másıhatynda QR SІM resmı ókili QR SІM resmı ókili Aıbek Smadııarov aıtty, dep habarlaıdy QazAqparat tilshisi.
«24-25 qańtarda Qazaqstan - Mońǵolııa qarym-qatynasynyń tarıhynda tuńǵysh ret Mońǵolııanyń Syrtqy ister mınıstri Dandıngın Tsogtbaatar Qazaqstanǵa alǵashqy resmı saparymen keledi. Sapar barysynda ekijaqty jáne kópjaqty yntymaqtastyq máseleleri talqylanady», - dedi Aıbek Smadııarov.
QR SІM resmı ókiliniń aıtýynsha, taraptar saýda-ekonomıkalyq, mádenı-gýmanıtarlyq baılanystar men eki eldiń tranzıt-kóliktik áleýetin damytýdy, joǵary deńgeıdegi ózara saparlardy uıymdastyrýdy, sondaı-aq halyqaralyq kún tártibindegi máselelerdi talqylaıdy.
«Qazaqstan Respýblıkasy men Mońǵolııa strategııalyq seriktester bolyp tabylady. Sondaı-aq, ejelgi tarıhı jáne ekonomıklalyq baılanystarǵa ıe. Eki memleketti biriktiretin dostyq kópiri - Mońǵolııadaǵy qazaq dısporasy bolyp tabylady», - dedi Aıbek Smadııarov.
