Mońǵolııanyń Syrtqy ister mınıstri Qazaqstanǵa kelmeıtin boldy
ASTANA. QazAqparat - Mońǵolııanyń Syrtqy ister mınıstri Damdın Tsogtbaatar Qazaqstanǵa resmı saparyn keıinge shegerdi. Bul týraly QazAqparat tilshisine Qazaqstannyń syrtqy saıası vedomstvosy baspasóz qyzmetiniń basshysy Aıbek Smadııarov habarlady.
«Mońǵol tarapy bizge Mońǵolııa Syrtqy ister mınıstri Damdın Tsogtbaatardyń buǵan deıin josparlanǵan saparynyń keıinge aýystyrylatyny jóninde habarlady», - dedi Aıbek Smadııarov telefon arqyly.
Eske sala keteıik, Qazaqstan - Mońǵolııa qarym-qatynasynyń tarıhynda tuńǵysh ret Mońǵolııanyń Syrtqy ister mınıstri Dandıngın Tsogtbaatar 24-25 qańtar kúnderi Qazaqstanǵa alǵash ret resmı saparmen keledi dep kútilgen bolatyn. Sapar barysynda mınıstr elimizdiń joǵary basshylyǵymen kezdesip, ekijaqty jáne kópjaqty yntymaqtastyq máseleleri talqylanýy tıis edi.
Búginde Mońǵolııadaǵy jaǵdaı kúrdeli ekenin atap ótý kerek. 10 qańtarda Ulan Batyr qalasynyń ortalyq alańynda narazylyq sharasy ótti. BAQ taratqan málimetterge sensek, oǵan 50 myńnan astam adam qatysqan. Sharaǵa qatysýshylar el parlamentiniń spıkeri Mıeegombyn Enhboldtyń qyzmetinen ketýin, sondaı-aq «sybaılasqan MANAN (eldegi eki iri partııanyń ataýy) tobyn joıýdy» talap etip otyr.
Avtor: Damır Baımanov
