Mońǵolııanyń burynǵy prezıdenti jemqorlyq faktisi boıynsha aıypty dep tanylyp, 4 jylǵa bas bostandyǵynan aıyryldy
ASTANA. 4 tamyz. QazAqparat - Mońǵolııanyń burynǵy prezıdenti Nambaryn Enhbaıar sot úkimimen sybaılas jemqorlyq qylmysy boıynsha kináli dep tanylyp, 4 jylǵa sotaldy. Onyń 18 myń 660 dollar somasyndaǵy múligi tárkilendi, dep habarlady búgin mońǵoldyq BAQ.
Sot bastapqyda eldiń burynǵy prezıdenti Enhbaıardy 7 jylǵa sottaǵan bolatyn, degenmen, keıin merzimdi 4 jylǵa qysqartty. Eldiń burynǵy prezıdentinen ózge Úkimettiń burynǵy 4 sheneýnigi men 1 bıznesmen sybaılas jemqorlyq pen qyzmet babyn asyra paıdalaný baptary boıynsha kináli dep tanyldy.
Enhbaıardyń qorǵaýshylary bul sheshimmen kelispeýge quqyqtary bar jáne 14 kúnniń ishinde apellıatsııaǵa bere alady.
Bul atyshýly oqıǵa tikileı efırde Mońǵolııanyń kóptegen arnalary boıynsha kórsetildi.
Aıta keteıik, Nambaryn Enhbaıar prezıdenttik qyzmetke 2005 jyly saılanǵan bolatyn. Ol 2009 jylǵa deıin qyzmet etti.
