Mońǵolııanyń aımaqtyq TV-4 telearnasynda búgin tikeleı efırde aqyndardyń «jekpe-jek» aıtysy ótedi

Bul sharaǵa Mońǵolııa jýrnalısteri birikken odaǵynyń Baıan-Ólgıı aımaǵyndaǵy bólimshesi qoldaý kórsetip otyr, dep habarlaıdy azaq-alemi.kz.

Mońǵolııa jýrnalısteri birikken odaǵynyń Baıan-Ólgıı aımaǵyndaǵy bólimshesiniń basshysy Ómirbek Bıqumardyń sózine qaraǵanda, «Jekpe-jektiń» alǵashqy jubynda Ýlaanhýs sumynynan halyqaralyq aqyndar aıtysynyń júldegeri Súıenish Jeńsikbaıuly men Altaı sumynynyń týmasy Erlan Dáýletuly baq synaıdy.

«Aıtys óneriniń óresin kóterý, aımaq aqyndarynyń ónerin shyńdaý, halyqaralyq aıtystarǵa qatystyrý maqsatynda júrilgeli otyrǵan bul saıysta jeńý, jeńilý basty maqsat bolmaıdy. Jekpe-jek aıtystyń qorytyndysy boıynsha aqyndardyń dárejesin anyqtap, 10 aqyndy qyrkúıek aıynda ótetin «Mońǵolııa Qazaqtarynyń tirligi men birligi» atty halyqaralyq aqyndar saıysyna qosamyz. Halyqaralyq aıtysqa Qazaqstan, Reseı, Qytaı elderinen beldi aqyndardy shaqyrýdy josparlap otyrmyz», - deıdi B.Ómirbek.