Mońǵolııanyń alǵashqy spýtnıgi jumys isteı bastady
ASTANA. QazAqparat - 19 sáýir kúni Mońǵolııanyń alǵashqy spýtnıgi Jer tóńiregindegi orbıtada óz jumysyn bastady, dep jazdy montsame.mn.
«ABS» sıngapýrlik kompanııasynyń atqarýshy dırektory parlament spıkeri M.Enhboldýge Mońǵolııanyń «Mońǵolsat-1» atty alǵashqy orbıtalyq spýtnık týraly kýálikti tabys etti.
Parlament spıkeri M.Enhboldý azamattarǵa joǵary jyldamdyqty ınternet, radıo jáne telehabar taratý, ornalasý jerine baılanyssyz eldiń barlyq aýmaǵyna telekommýnıkatsııa boıynsha sapaly qyzmetter usyný úshin mońǵol spýtnıgin ushyrý jobasyn júzege asyrýdy 2006 jyly premer-mınıstr laýazymynda bolǵan kezinde bastady.
«Mońǵolsat-1» qańtar aıynda Jer tóńiregindegi orbıtaǵa shyǵaryldy jáne 19 sáýirden bastap, óz jumysyn bastady. Osy spýtnıktiń kómegimen el aýyl sharýashylyǵy, qorshaǵan ortany qorǵaý jáne taý-ken ónerkásibi salalary úshin mańyzdy derekterdi alyp otyrmaq. Al azamattar kúndelikti joǵary jyldamdyqty ınternet, keń jolaqty telehabar taratý qyzmetterin eń tómengi baǵalarmen tutyna alady.
