Mońǵolııanyń jańa úkimeti jasaqtaldy

ASTANA. KAZINFORM — Premer-mınıstr Nıam-Osoryn Ýchral úkimettiń jańa quramyn tanystyrdy, dep habarlaıdy Montsame.

Mońǵolııanyń jańa Premer-mınıstri Nıam-Osoryn Ýchral Uly Memlekettik Hýralǵa úkimettiń jańa quramyn tanystyrdy. Jalǵasyp jatqan plenarlyq otyrysta depýtattar mınıstrlik laýazymdarǵa usynylǵan kandıdattarǵa suraqtar qoıdy.

Úkimet quramyna tómendegiler kirdi:

• Premer-mınıstrdiń birinshi orynbasary jáne ekonomıka men damý mınıstri — Jadambyn Enhbaıar;
• Premer-mınıstrdiń orynbasarlary — Nıamtaıshıryn Nomtoıbaıar, Togmıdyn Dorjhand;
• Úkimet is basqarýshysy — Battýmýrıın Enhbaıar;
• Syrtqy ister mınıstri — Batmýnhıın Battsetseg;
• Qarjy mınıstri — Zagdjavyn Mendsaıhan;
• Ádilet jáne ishki ister mınıstri — Saınbýıangıın Amarsaıhan;
• Ónerkásip jáne mıneraldyq resýrstar mınıstri — Gongoryn Damdınnıam;
• Qorǵanys mınıstri — Dambyn Batlýt;
• Qorshaǵan orta jáne klımattyń ózgerýi mınıstri — Tsendıın Sandag-Ochır;
• Bilim mınıstri — Lývsantserengıın Enh-Amgalan;
• Otbasy, eńbek jáne áleýmettik qorǵaý mınıstri — Tıleýhany Aýbakır;
• Joldar jáne kólik mınıstri — Borhýýgıın Delgersaıhan;
• Mádenıet, sport, týrızm jáne jastar isteri mınıstri — Jýkovyn Aldarjavhlan;
• Qalalyq qurylys, qurylys jáne turǵyn úı damýy mınıstri — Enhtaıvany Bat-Amgalan;
• Azyq-túlik, aýyl sharýashylyǵy jáne jeńil ónerkásip mınıstri — Tsagaanhýýgıın Iderbat;
• Tsıfrlyq damý, ınnovatsııalar jáne kommýnıkatsııalar mınıstri — Chınbatyn Nomın;
• Energetıka mınıstri — Badrahyn Naıdalaa;
• Densaýlyq saqtaý mınıstri — Enhbaıaryn Batshýgar.

Sondaı-aq, Uly Memlekettik Hýral (UMH) plenarlyq otyrysynda tóraǵany saılaý máselesi qaraldy. Daýys berý nátıjesi boıynsha Mońǵol Halyqtyq Partııasynyń (MHP) kandıdaty S. Bıambatsogt UMH tóraǵasy bolyp saılandy, ol 76,3% daýys jınady.

Sandagıın Bıambatsogt 1974 jyly Hovd aımaǵynda dúnıege kelgen. 1999 jyly Qarjy jáne ekonomıka joǵarǵy mektebin, 2005 jyly Nıderlandydaǵy Maastrıht ýnıversıtetin, 2014 jyly Mońǵol Memlekettik ýnıversıtetiniń zań fakýltetin támamdaǵan. Ekonomıst jáne zańger, ekonomıka, bıznes ákimshiligi jáne quqyq salasynda magıstr dárejelerine ıe.

Budan buryn Mońǵolııanyń 35‑shi premer-mınıstri saılanǵanyn jazdyq.