Mońǵolııanyń syrtqy qaryzy 7,4 paıyzǵa ósti

ASTANA. KAZINFORM — 2024 jyly Mońǵolııanyń jalpy syrtqy qaryzy 37,1 mlrd AQSh dollaryn qurap, 7,4 paıyzǵa ulǵaıdy, dep jazady Sınhýa.

Bul týraly sársenbide Mońǵolııanyń ulttyq Statıstıka komıteti habarlady.

— Bul kórsetkishke tikeleı ınvestıtsııalar nemese fırmaaralyq nesıelerdiń 14,4 paıyzǵa ósýi áser etti, — delingen resmı habarlamada.

Komıtet taratqan aqparatqa súıensek, Mońǵolııanyń syrtqy qaryzynyń shamamen 46,5 paıyzy tikeleı ınvestıtsııalar nemese fırmaaralyq nesıelendirýge tıesili, al 21,2 paıyzy — Mońǵolııa úkimetiniń jalpy qaryzdary, al qalǵan bóligi Ortalyq bank pen basqa jınaqtaý mekemeleriniń qaryzdary sanalady.

Bul rette Dúnıejúzilik bank sarapshylary 2025 jyly taý-ken ónerkásibiniń ósýi jáne ishki suranystyń artýy esebinen Mońǵolııa ekonomıkasy 6,5 paıyzǵa ósedi dep boljap otyr.

Buǵan deıin habarlanǵandaı, Mońǵolııadan tabylǵan kóne túrik bitiktasyndaǵy jazýlar oqyldy.

Sondaı-aq, Mońǵolııada álemdegi qar barysynyń 20 paıyzy mekendeıtini de aıtyldy.