Mońǵolııanyń premer-mınıstri otstavkaǵa ketetin boldy
ASTANA. KAZINFORM — Mońǵolııa Uly Memlekettik Hýralynyń (Parlamenti) búgingi Plenarlyq otyrysynda premer-mınıstr Gombojavyn Zandanshatardy qyzmetinen bosatýǵa qatysty qaýly talqylanyp, usynys qabyldandy, dep jazdy Montsame agentti.
Bul usynys 16 qazan kúni ótken Uly Memlekettik Hýraldyń Memlekettik qurylym jónindegi turaqty komıtetiniń otyrysynda talqylanǵan bolatyn. Turaqty komıtet qazirgi premer-mınıstrdiń ostavkaǵa ketýi týraly usynysty qoldamaǵan edi.
El Parlamentiniń tańerteńgi plenarlyq otyrysynda depýtattar talqyǵa túsken usynys boıynsha suraqtar qoıyp, óz pikirlerin bildirdi. Odan keıin jıynǵa qatysqan 71 depýtat Gombojavyn Zandanshatardy qyzmetinen bosatýdy qoldap, daýys berdi.
Jańa premer-mınıstr taǵaıyndalǵanǵa deıin Gombojavyn Zandanshatar Úkimet basshysynyń mindetin ýaqytsha atqaratyn bolady.
Aıta keteıik, Mońǵolııa parlamenti «El premer-mınıstrine senim votýmy týraly» qaýlynyń qabyldanýyn qoldamaǵanyn jazǵan edik.
Kamıla Múlik