Mońǵolııanyń Ortalyq banki 3,4 tonna altyn satyp aldy

ASTANA. KAZINFORM – 2024 jyldyń qańtar-naýryz aılarynda Mońǵolııa Ortalyq banki altyn izdeýshiler men altyn óndirýshi kásiporyndardan 3,4 tonna (108 myń ýntsııadan astam) altyn satyp aldy. Bul týraly seısenbide retteýshiniń baspasóz qyzmetinen málimdedi, dep habarlaıdy Sınhýa aqparat agenttigi. 

Altyndy satyp alý – Mońǵolııa Ortalyq bankiniń eldiń altyn-valıýta qoryn arttyrýǵa baǵyttalǵan negizgi quraldarynyń biri. 

Naýryzdaǵy jaǵdaı boıynsha Ortalyq banktiń altyndy satyp alý baǵamy bir gramm úshin 69,1 dollardy qurady, bul London metall bırjasynda tómen baǵamǵa sáıkes keledi. 

Mońǵolııa Ortalyq bankiniń málimetinshe, búginde eldiń altyn-valıýta qory 5,2 mlrd dollardy quraıdy. 

2023 jyly Mońǵolııanyń Ortalyq banki 17,8 tonna altyn satyp aldy.