Mońǵolııanyń ekinshi aımaǵynda obaǵa baılanysty shekteýler engizildi
ASTANA. KAZINFORM – Mońǵolııanyń Hovd aımaǵynyń bıligi oba aýrýynyń kúdikti jaǵdaılary tirkelýine baılanysty jappaı is-sharalarǵa ýaqytsha shekteý qoıyp, mektepterdi qashyqtan oqytý formatyna kóshirdi. Bul týraly TASS habarlady.
— Bizdiń aımaqtyń Býlgan eldi mekeninde obaǵa tán belgileri bar naýqastar anyqtaldy. Osyǵan baılanysty aımaq ákimi jappaı is-sharalarǵa ýaqytsha shekteý engizip, mektepterde oqytýdy qashyqtan júrgizýdi tapsyrdy. Oba indetiniń taralýyna jol bermeý úshin dezınfektsııa jáne aldyn alý jumystary júrgizilip jatyr, — dedi jergilikti ákimdikte.
Hýbsýgýl aımaǵynyń tótenshe jaǵdaılar jónindegi komıssııasy alǵashqy obaǵa shaldyqqan turǵyn qaıtys bolǵan Mýren jáne Tsagaan-Ýýl eldi mekenderinde azamattardyń qozǵalysyna, kóliktiń kirip-shyǵýyna salynǵan tyıym uzartylǵanyn habarlaǵan. Sondaı-aq bazarlardyń, saýda ortalyqtarynyń, qoǵamdyq tamaqtaný oryndarynyń jáne alkogol satý oryndarynyń jumysyna shekteý qoıyldy.
12 qyrkúıektegi jaǵdaı boıynsha oba juqtyrǵan úsh adammen baılanysta bolǵan 110 adam dárigerlerdiń baqylaýynda. Densaýlyq saqtaý qyzmetiniń málimetinshe, 2025 jylǵy tamyzdaǵy jaǵdaı boıynsha Mońǵolııanyń 17 aımaǵyndaǵy 130 eldi mekende býbondy obanyń oshaqtary tirkelgen. 2014 jyldan 2024 jylǵa deıin 20 adamǵa oba juǵyp, olardyń 9-y kóz jumǵan.
Aıta ketelik Astanada Qazaqstan men Mońǵolııanyń 100-ge jýyq kásipkeri bas qosqan edi.