Mońǵolııanyń basym bóligi aq juttan zardap shegip otyr

Mońǵolııanyń 20 ákimshilik-aýmaqtyq birligindegi 166 eldi meken aq juttan (tabıǵı apat) zardap shekse, taǵy 81 eldi mekendegi jaǵdaı kúrdeli bolyp otyr. Kazinform agenttigi bul týraly khovar.tj-ge silteme jasap habarlaıdy. 

«Bul el aýmaǵynyń 90 paıyzdan astam bóligin qalyń qar basqanymen tikeleı baılanysty», - delingen eldiń Tótenshe jaǵdaılar jónindegi bas basqarmasynyń habarlamasynda.

Mamandardyń atap ótýinshe, qys mezgilindegi ekstremaldy aýa raıy jaǵdaıy adamdarǵa ártúrli áser etedi. Alaıda kiris kózderin ártaraptandyrýǵa shamasy kelmeı, eń kóp zardap shegetin Mońǵolııa malshylary.

Eldiń Ulttyq statıstıkalyq komıtetiniń málimetinshe, 2023 jyldyń sońyna qaraı Mońǵolııada jalpy mal basy 9,1 paıyzǵa qysqaryp, 64,7 mln bas boldy.

Aq jut nemese qysqy taqyrshylyq — jaıylymdyq aımaqtarda maldyń qar jamylǵysynyń astynan qorek taba almaı, sonyń saldarynan ashtyq pen sýyqtan qyrylatyn tabıǵı apat.