Mońǵolııalyq Shynaı Rahmetulynyń «Sholaq qol kelinshek» dramasy Semeıde sahnalady
BAıAN-ÓLGEI. QazAqparat - Shyǵys Qazaqstan oblysynyń Semeı qalasynda 27-29 sáýirde Monǵolııa mádenıetine eńbegi sińgen qaıratker, jazýshy, jýrnalıst Shynaı Rahmetulynyń «Sholaq qol kelinshek» tragedııalyq dramasy qoıylady, dep habarlaıdy QazAqparat tilshisi.
Adamdyq asyl qasıetter jomarttyq pen qaıyrymdylyq týraly syr shertetin dramanyń qoıýshy rejısseri Shyǵys Qazaqstan oblystyq Qazaq drama teatrynyń dırektory Sahan Akeleev, sýretshisi Danııar Aldabergenov.
Jazýshynyń «Sholaq qol kelinshek» dramasy 1991 jyly uly aqyn, aǵartýshy Aqyt Úlimjiulynyń shyǵarmashylyǵyna negizdelip jazylǵan. 1991-1993 jyldary Baıan-Ólgeı aımaǵynyń Mýzykalyq drama teatrynda kórsetilip, kóptiń kóńilinen shyqqan týyndy avtordyń Qazaqstannyń sahnasyna tuńǵysh qoıylatyn pesasy bolmaq.
Aıta keterligi, jazýshynyń munan basqa Mońǵolııa qazaqtarynyń arasynan shyqqan ázirge jalǵyz batyr, Halqyn-gol shaıqasynyń qaharmany - Іkeı Mázimuly jaıly jazylǵan «Jar tilegi» pesasy jáne «Endi qaıtý kerek», «Búrkit» sekildi onǵa tarta pesalary bar. Bul týyndylar aımaqtyq Mýzykalyq drama teatrynda jáne ólkelerdiń halyqtyq teatrlarynda qoıylyp keledi.
