Mońǵolııalyq palýandar «Eýrazııa barysy» týrnıriniń salmaq ólsheý rásimine kelmedi
ASTANA. QazAqparat - Mońǵolııanyń qazaqsha kúresten quramasy «Eýrazııa barysy» týrnıriniń salmaq ólsheý rásimine kelmedi. Bul jaıynda Vesti.kz portalyna silteme jasap QazAqparat habarlaıdy.
«Mońǵolııa quramasy tún ishinde keldi. Sol sebepti salmaq ólsheý rásimine úlgermeı qaldy. Ózderińizde túsinetin shyǵarsyzdar, bul óte kúrdeli protsess. Sportshylar salmaq qýyp úlgermedi. Sondyqtan olardyń kúndizgi 12-ge deıin salmaq tastaýǵa ýaqyttary bar», - dedi QR Qazaq kúresi federatsııasynyń birinshi vıtse-prezıdenti Sársen Quranbek.
Aıta keterligi, «Eýrazııa barysy» halyqaralyq týrnırine Grýzııa, Mońǵolııa, Polsha, Reseı, Tájikstan, Ýkraına, Ózbekstan jáne Qazaqstan komandalary qatysady. Olar 8 salmaq sanatynda kim myqty ekenin anyqtaıdy.
Qazirgi salmaq ólsheý rásimine sáıkes eń aýyr sportshy qazaqstandyq Aıbek Nuǵymarov bolyp otyr. Onyń salmaǵy 139 kelini quraıdy. Ol reseılik Anton Chernyshevten ne bári bir kelige aýyr.
Týrnır jeńimpazy 10 mıllıon teńgeni utyp alsa, ekinshi orynǵa 6, úshinshi orynǵa 4 mln. teńge tabystalady. Qazirgi ýaqytta bul týrnır bıletteri tolyǵymen satyldy.
Foto Elamana Týrysbekova
